" اللي اختشوا ماتوا "

من طرف **ABO_HIBA** الجمعة ديسمبر 25, 2009 10:10 am

بسم الله الرحمن الرحيم
السلام عليكم ورحمه الله وبركاته

طبعا كلنا عارفين المثل اللي بيقول" اللي اختشوا ماتوا " هم فعلا ماتوا
من زمان النهارده عايز اتكلم في موضوع الغيره بس مش الحكايات بتاعت
الافلام وقصص الف ليله وليله .

لا الغيره اللي هنتكلم عليها هي الغيره علي الاهل وعلي البيت .
اللي هي ضاعت وتوفاها الله من زماااان" الله يرحمها"

امثلة :

الاخ لما يدخل اوضه اخته ويلاقيها ماليه الحيطان بصور تموره حسني
وحاطه السماعات علي ودانها وسرحانه مع اغنيه" عنيه بتحبك وقلبي
بيحبك دا يبقي ايه " دا يبقي مياصه وقله ادب ومع ذلك يبقي فاتح
بقه بابتسامه عريضه ويقول انتي مش هتسيبك من تامر بتاعك ده
وركزوا علي كلمه... تروح هي تقوله انا بحب تامر جدا يروح
باصص لها زي الاسد ويقول يــــــــــــــــــــــــــــــه بتقولي ايه دا هيثم شاكر
برقبته .(بيفهم اوى الاخ ف الموسيقى)
الله عليه راجل ولا كل الرجاله .
ولا المذيعة اما تقابل الراجل الفنان ومراته في الشارع وتسأل مراته انتي بتحبي
مين من الممثلين تقولها احمد عز يروح البطل اللي جمبها يقول بابتسامه
عريضه وانا كمان (حاجه تشرف )
ولا الممثل نفسه والامثله كتيره يبقي بيتفرج عي العرض الخاص بتاع
الفيلم بتاع مراته ويلاقيها طول الفيلم في حضن البطل وهو
كوووووووووووووووول ولما البطل يبوسها في اخر الفيلم وطول الفيلم كمان تلاقيه وقف بيسقف ومبسوط وبيقول بفخر مبروك يا حبيتي عقبال
الفيلم الجاي .
والاب اللي سايب بنته تتعلم وتاخد كل ثقافتها من الافلام العربي والاجنبي .
واللي بيشوف اخته في الجامعه واقفه مع صاحبها وعادي وفي البيت
تسمعه يبقولها يا شوشو هيثم بيتصل عليكي مش دي الرنه بتاعته وهي
تقوله وانت زيزي بعتتلك رساله .حاجه جميله

كل واحد من دول
ضاعت منه كل معاني الرجوله بل وضاع منه كل شئ
والامثله دي موجوده في مجتمعنا بدون شك واكتر منها كمان
احنا بقينا كووووووووول علي الاخر نسينا التقاليد وتعاليم الدين ومشينا ورا شعارمــــتـــبـــقــــــاش خـــنـــــيــــــق
فرفش وخلي اللي حوليك يفرفشوا
علي الدنيا السلامه

م ن ق و ل